Nýprent Open og Meistaramótið

Við viljum minna á að skráning er í fullum gangi á Nýprent Open mótið sem verður n.k. sunnudag og við viljum hvetja alla sem tök hafa á að mæta á þetta bráðskemmtilega mót okkar. Ef einhver vandræði eru með skráningu þá er hægt að senda póst á [e-mail] eða hringja í Hjört í síma 8217041

Þá er búið að fresta meistaramóti barna-og unglinga um viku og hefst það mánudaginn 9.júlí - skráning er þegar hafin í flokkana þar.

Bestu kveðjur frá unglinganefndinni

Nýprent mótið 1.júlí n.k.

Nýprent Open barna- og unglingamótið verður haldið sunnudaginn 1. júlí n.k. á Hlíðarendavelli

Mótið hefst kl. 08:00, og verða elstu ræstir út fyrst og yngstu síðast. Ræst verður í tvennu lagi og verðlaunaafhending verður einnig í tvennu lagi.
 
Mótið er fyrir alla, byrjendur sem lengra komna.
 
Mótið er flokkaskipt og kynjaskipt.

Flokkarnir eru þessir:
17-18 ára drengir og stúlkur – 18 holur

15-16 ára drengirog stúlkur – 18 holur

14-ára og yngri drengir og stúlkur – 18 holur

12 ára og yngri drengir og stúlkur sem spila 9 holur

Byrjendaflokkur drengir og stúlkur spilar 9 holur af sérstaklega styttum  teigum

Opnað hefur verið fyrir skráningu á www.golf.is
 
Nándarverðlaun verða veitt og vippkeppni í öllum flokkum

Viðurkenning fyrir flesta punkta með forgjöf á 18 holum í drengja- og stelpuflokkum, virk forgjöf er skilyrði.

Mótsgjald er 1.500 kr en ókeypis verður í mótið fyrir félaga GSS 

Golfmaraþoninu lokið

Börn og unglingar í Golfklúbbi Sauðárkróks spiluðu golfmaraþon á Hlíðarendavelli föstudaginn 15.júní. Byrjað var kl 8 um morguninn og spilað þar til um kl. 20 um kvöldið. Þau náðu að spila í heildina 1182 holur á þessum tíma sem er mjög gott. Yngstu kylfingarnir sem tóku þátt að þessu sinni voru 7 ára gamlir. Við viljum þakka öllum þeim sem tóku þátt í þessu skemmtilega maraþoni okkar kærlega fyrir. Við viljum einnig þakka sérstaklega öllum þeim fjölmörgu bæjarbúum sem hétu á okkur og hvöttu okkur þannig til enn frekari dáða.  Í lokinn slógum við upp heljarinnar veislu fyrir alla kylfingana sem síðan fóru glaðir, kátir og þreyttir heim að þessu loknu. Það hefur sjaldan verið eins mikið fjör á vellinum og þennan dag og að sjálfsögðu komir fjölmargir foreldrar og gestir til að fylgjast með hópnum og hvetja þau til dáða.

Meðfylgjandi er mynd af stærstum hluta þátttakenda

Golfmarþonið er á morgun

Einn dagur í golfmaraþon hefst kl. 8:00 - nú tökum við því rólega í dag og spörum okkur fyrir morgundaginn.

Unglinganefndin vill þakka öllum þeim fjölmörgu bæjarbúum sem hafa stutt okkur dyggilega þar sem við höfum verið að safna áheitum - viðtökurnar hafa verið frábærar.

Fyrsta mótinu í Norðurlandsmótaröðinni lokið

Fyrsta mótið í Norðurlandsmótaröð barna og unglinga var haldið á Dalvík sunnudaginn 10.júní s.l. Frá klúbbnum mættu á þetta mót, Arnar Geir Hjartarson, Þröstur Kárason, Atli Freyr Rafnsson, Hlynur Freyr Einarsson, Jónas Már Kristjánsson, Elvar Ingi Hjartarson, Pálmi Þórsson, Hákon Ingi Rafnsson og Viktor Kárason.  Hluti af hópnum hafði síðan tekið þátt í golfævintýri þeirra Dalvíkinga síðan á föstudag. Að venju stóðu keppendur frá klúbbnum sig með ágætum.  Þröstur Kárason fékk nándarverðlaun í flokki 17-18 ára og Arnar Geir varð í öðru sæti í vippkeppni í sama flokki. Viktor Kárason varð í 2. sæti vippkeppni í flokki byrjenda. Í 17-18 ára flokknum varð Arnar Geir í öðru sæti á 78 höggum. Í 15-16 ára flokknum varð Hlynur Freyr í 3.sæti ásamt tveimur öðrum keppendum á 81 höggi en tapaði í bráðabana. Í flokki 14 ára og yngri varð Elvar Ingi í 2.sæti á 79 höggum og að lokum varð Viktor Kárason í 2.sæti í flokki byrjenda á 48 höggum ( 9 holur ). Það voru skemmtilegir dagar sem við áttum þarna í tengslum við golfævintýrið og síðan mótið og hópurinn hélt glaður heim að loknu móti.

Hægt er að sjá nokkrar myndir hér á bloggsíðunni frá golfmótinu

Golfskólinn og fyrsta mótið í Norðurlandsmótaröðinni

Golfskólinn byrjar á morgun og svo vil ég einnig minna á að fyrsta mótið í Norðurlandsmótaröðinni er n.k. sunnudag á Dalvík. Skráning er þegar hafin á www.golf.is. Endilega skráið ykkur sem allra fyrst.

Kynningarfundur golfskólans

Kynningarfundur fyrir golfskólann verður n.k. mánudaginn 4.júní í golfskálanum og hefst kl.18:00. Mikilvægt að bæði þátttakendur og foreldrar mæti.