Bloggfærslur mánaðarins, september 2012
Norðurlandsmótaröðinni lokið þetta árið
3.9.2012 | 17:09
4. og jafnframt síðasta mótið í Norðurlandsmótaröð barna-og unglinga í golfi var haldið á Jaðarsvelii á Akureyri sunnudaginn 2. september s.l. Jafnframt mótinu voru krýndir stigameistarar Norðurlands í hverjum aldursflokki. Golfklúbbur Sauðárkróks eignaðist einn Norðurlandsmeistara en það var Arnar Geir Hjartarson sem sigraði í flokki 17-18 ára. Kylfingar frá Golfklúbbi Sauðárkróks stóðu sig einnig með ágætum á lokamótinu sjálfu. Hákon Ingi Rafnsson varð í þriðja sæti í flokki 12 ára og yngri. Í flokki 14 ára og yngri varð Matthildur Kemp Guðnadóttir í 2. sæti og Elvar Ingi Hjartarson í 3.sæti. Arnar Geir Hjartarson varð síðan í 2.sæti í flokki 17-18 ára. Þá hlaut Matthildur aukaverðlaun í púttkeppni og Arnar Geir hlaut verðlaun fyrir að vera næstur holu á 18.braut. Heildarúrslit í mótinu er hægt að sjá á www.golf.is og niðurstöðu í heildarstigakeppni sumarsins er að finna á nordurgolf.blog.is.
Íþróttir | Breytt s.d. kl. 17:11 | Slóð | Facebook | Athugasemdir (0)