Golfskólanum lokið

Núna er golfskólanum lokið þetta sumarið.Fyrir hönd golfklúbbsins þá vil ég þakka kærlega fyrir þátttökuna þetta sumarið.Ég vil samt benda á að golfvöllurinn og æfingasvæðið verður eftir sem áður opið öllum sem að vilja en engir leiðbeinendur eða neitt eftirlit verður með þeim sem að verða á vellinum.Við eigum hins vegar eftir að halda veglega uppskeruhátíð og verður hún auglýst síðar.Einnig er lokamót Norðurlandsmótaraðarinnar á Akureyri eftir en það verður haldið sunnudaginn 29.ágúst. En enn og aftur takk fyrir golfskólann þetta sumarið.

Golf á unglingalandsmóti

Keppt var í golfi á Unglingalandsmóti UMFÍ í Borgarnesi um verslunarmannahelgina.  7 þátttakendur fóru frá Golfklúbbi Sauðárkróks og kepptu undir merkjum Ungmennasambands Skagafjarðar - UMSS.  64 voru skráðir til leiks í þremur flokkum 11-13 ára, 14-15 ára og 16-18 ára í stráka og stelpnaflokkum.  Keppendur frá okkur stóðu sig með miklum sóma að venju og urðu í eftirtöldum sætum.

Í flokki 14-15 ára sigraði Arnar Geir Hjartarson, Sigríður Eygló Unnarsdóttir varð í 3.sæti eftir að hafa hafa spilað bráðabana um 2.sætið og Þröstur Kárason varð í 4.sæti. 

Í flokki 11-13 ára varð Elvar Ingi Hjartarson í 5.sæti, Jónas Már Kristjánsson varð í 6.sæti, Hlynur Freyr Einarsson varð í 9.sæti og Jóhannes Friðrik Ingimundarson varð í 16. sæti.

Ekki voru keppendur frá okkur í flokki 16-18 ára.

Keppt var á glæsilegum velli Golfklúbbs Borgarness að Hamri og var frábært veður sem að keppendur fengu.

Mótinu á Ólafsfirði lokið

Þriðja mótið í Norðurlandsmótaröðinni, S1 mótið á Ólafsfirði fór fram í dag. Um 90 þátttakendur mættu til leiks viðsvegar að af Norðurlandi og reyndar víða, þar af voru 14 frá Golfklúbbi Sauðárkróks og áttum við keppendur í flestum flokkum. Okkar fólk stóð sig með stóð sig ágætlega að venju en þau sem að unnu til verðlauna fyrir GSS að þessu sinni voru:

Í flokkum 15 -16 ára urðu Sigríður Eygló Unnarsdóttir í 2. sæti og Arnar Geir Hjartarson í 3.sæti.  Í flokki 14 ára og yngri varð síðan Aldís Ósk Unnarsdóttir í 3.sæti. Þá sigraði Þröstur Kárason í vippkeppni í flokki 15-16 ára.

Öll úrslit úr mótinu má finna á golf.is

 

Næsta mót í mótaröðinni - Ólafsfjörður

Næsta mót í Norðurlandsmótaröðinni verður n.k. þriðjudag 27.júlí á Ólafsfirði.  Við viljum hvetja sem flesta til að skrá sig í mótið sem allra fyrst, en frestur til þess rennur út sunnudaginn 25.júlí á www.golf.is. Ef að þið lendið í vandræðum með skráninguna þá hafið samband við Hjört í síma 8217041.

Fjölmennum á mótið

Úrslit úr meistaramóti

Þeir krakkar sem tóku þátt í meistaramóti yngri kylfinga innan GSS stóðu sig með mikilli prýði og fjölmargir lækkuðu verulega í forgjöf. Úrslit voru eftirfarandi:

 Í byrjendaflokki voru spilaðar 9 holur í tvo daga.

1. Hákon Ingi Rafnsson 104 högg

2. Viktor Kárason 118 högg

3. Guðmar Freyr Magnússon 130 högg

Í flokki 12 ára og yngri voru spilaðar 18 holur á dag í þrjá daga og urðu úrslit sem hér segir:

1. Elvar Ingi Hjartarson 273 högg

2. Arnar Ólafsson 281 högg

3. Viðar Örn Ómarson 322 högg

Í stúlknaflokki var Matthildur Guðnadóttir ein keppenda og spilaði á 347 höggum.

Í flokki 14 ára og yngri voru einnig spilaðar 18 holur í þrjá daga og urðu úrslit þessi.

Stúlknaflokkur:

1. Hekla Kolbrún Sæmundsdóttir 349 högg

2. Aldís Ósk Unnarsdóttir 351 högg

Drengjaflokkur

1. Atli Freyr Rafnsson 300 högg

2. Hlynur Freyr Einarsson 302 högg

3. Jónas Kristjánsson 309 högg

 Loks var Sigríður Eygló Unnarsdóttir ein keppenda í stúlknaflokki 15-16 ára og spilaði á 300 höggum. Drengir í sama aldursflokki tóku þátt í meistaramóti fullorðinna og stóðu sig með mikilli prýði.

 

Skráning á unglingalandsmót að hefjast

Nú hvetjum við alla til að fara á Unglingalandsmót sem haldið verður í Borganesi um
verslunarmannahelgina. Þátttökugjald er 6.000 krónur fyrir hvert barn, en fari skráning fram í
gegnum [e-mail] þá niðurgreiðir UMSS gjaldið um 3.000 krónur.
Einnig er hægt að skrá sig í síma 453-5460 á skrifstofutíma.

Skráning keppenda hefst mánudaginn 12. júlí.

Skráningu lýkur á miðnætti föstudaginn 23. júlí.

Svo allir verði sem best undirbúnir fyrir mótið, verður haldinn foreldrafundur þriðjudagskvöldið 13. júlí kl. 20:00 í Húsi Frítímans. Þar mun Ómar Bragi landsfulltrúi UMFÍ fara yfir málin fyrir mótið og mun svara öllum þeim spurningum sem tengjast mótinu.

Nánar má svo fylgjast með á heimasíðu  umss.is og ulm.is

Við ætlum að halda utan um skráningu frá golfklúbbnum til UMSS og sendið mér því tölvupóst um það mál á [e-mail]

Meistaramót barna og unglinga

Meistaramót barna og unglinga GSS verður haldið dagana 12.-.14.júlí

Keppt verður í flokkum 15-16 ára, 13-14 ára og 12 ára og yngri. Þessir flokkar spila 18 holur í 3 daga eða samtals 54 holur. 

Byrjendaflokkar spila síðan 2x9 holur af sérteigum mánudaginn 12.júlí og þriðjudaginn 13.júlí og hefst það kl.10.00 báða dagana.

 

Skráning í golfskála eða á www.golf.is fyrir 11 .júlí.

Nýprent mótið haldið í 4. skipti

Opna Nýprent mótið í golfi var haldið á Hlíðarendavelli á Sauðárkróki sunnudaginn 4. júlí.

Mótið er hluti af Norðurlandsmótaröð barna-og unglinga og var þetta 2. mótið á mótaröðinni í sumar.  Keppt var í flokkum 17-18 ára, 15-16 ára, 14 ára og yngri, 12 ára og yngri og byrjendaflokki. Yfir 80 keppendur mættu til leiks víðsvegar að af Norðurlandi.

Keppendur úr Golfklúbbi Sauðárkróks voru fjölmennir á þessu móti og stóðu sig með miklum ágætum.  Ingvi Þór Óskarsson varð í 2. sæti í flokki 17-18 ára. Þröstur Kárason sigraði í flokki 15-16 ára og Jónas Rafn Sigurjónsson varð í 3. sæti. Sigríður Eygló Unnarsdóttir varð síðan í 2.sæti í flokki 15-16 ára.

Úrslitin í öllum flokkum urðu sem hér segir:

17-18 ára strákar:

1.       Sigurður Ingvi Rögnvaldsson                        GHD      78 högg

2.       Ingvi Þór Óskarsson                                      GSS        91 högg

3.       Hjörleifur Einarsson                                      GHD      105 högg

17-18 ára stúlkur:

1.       Brynja Sigurðardóttir*                                   GÓ         104 högg

2.       Stefanía Kristín Valgeirsdóttir                       GA         104 högg

*Sigraði eftir „shoot-out“

15-16 ára strákar:

1.       Þröstur Kárason                                             GSS        83 högg

2.       Björn Auðunn Ólafsson                                 GA         89 högg

3.       Jónas Rafn Sigurjónsson                               GSS        91 högg

15-16 ára stúlkur:

1.       Jónína Björg Guðmundsdóttir                       GHD      113 högg

2.       Sigríður Eygló Unnarsdóttir                           GSS        119 högg

14 ára og yngri strákar:

1.       Arnór Snær Guðmundsson                             GHD      80 högg

2.       Ævarr Freyr Birgisson                                    GA         84 högg

3.       Kristján Benedikt Sveinsson                          GA         86 högg

14 ára og yngri stúlkur:

1.       Þórdís Rögnvaldsdóttir                                  GHD      84 högg

2.       Guðrún Karítas Finnsdóttir                            GA         97 högg

3.       Stefanía Elsa Jónsdóttir                                 GA         98 högg

 

Næstu flokkar spiluðu 9 holur:

 

12 ára og yngri strákar:

1.       Jón Heiðar Sigurðsson                                  GA         51 högg

2.       Sævar Helgi Víðisson                                   GA         53 högg

3.       Helgi Halldórsson                                        GHD      56 högg

12 ára og yngri stúlkur:

1.       Magnea Helga Guðmundsdóttir                  GHD      71 högg

2.       Snædís Ósk Aðalsteinsdóttir                       GHD      73 högg

3.       Guðrún Fema Sigurbjörnsdóttir                   GÓ         77 högg

Byrjendaflokkur drengja:

1.       Jóhann Þór Auðunsson                                GA         47 högg

2.       Anton Darri Pálmason                                 GA         48 högg

3.       Ómar Logi Karlsson                                     GA         47 högg

Byrjendaflokkur stelpna:

1.       Stefanía Daney Guðmunsdóttir                  GA         54 högg

2.       Lovísa Rut Aðalsteinsdóttir                        GHD      60 högg

3.       Sigrún Kjartansdóttir                                   GA         61 högg

 

Sigurður Ingvi Rögnvaldsson og Þórdís Rögnvaldsdóttir hlutu síðan Nýprent bikarainn en það er farandbikar sem er veitt þeim sem eru með lægsta skor á 18 holum í öllum flokkum.  Þetta var jafnframt í annað skiptið í röð sem þau systikini hljóta þessa bikara.  

 

Nándarverðlaun voru veitt í öllum flokkum á 6. braut.

17-18 ára             Sigurður Ingvi Rögnvaldsson      GHD

15-16 ára             Sigríður Eygló Unnarsdóttir        GSS

14 ára og yngri  Aðalsteinn Leifsson                      GA

12 ára og yngri  Sævar Helgi Víðisson                    GA

Byrjendur           Baldur Vilhelmsson                       GA

 

Verðlaun fyrir vippkeppni í öllu flokkum:

17-18 ára             Sigurður Ingvi Rögnvaldsson      GHD

15-16 ára             Björn Auðunn Ólafsson               GA

14 ára og yngri  Ævarr Freyr Birgisson                    GA

12 ára og yngri  Snædís Ósk Aðalsteinsdóttir         GHD     

Byrjendur           Hartmann Felix Steingrímsson      GSS

Rástímar klárir

Rástímar fyrir Nýprent mótið sunnudaginn 4.júlí eru komnir á www.golf.is

Nýprent mótið 4.júlí

Þá styttist í stóra mótið okkar - Nýprent open - , en það verður einmitt sunnudaginn 4. júlí n.k. Skráning er þegar hafin og keppt verður í eftirtöldum flokkum bæði í stráka og stelpnaflokkum. 17 -18 ára, 15 - 16 ára, 14 ára og yngri, en þessir flokkar spila allir 18 holur. Síðan spila 12 ára og yngri 9 holur og einnig byrjendaflokkur sem að spilar einnig 9 holur, en byrjendaflokkarnir verða á sérstaklega styttum teigum.

Nú er um að gera að fjölmenna í þetta mót í öllum flokkum.

Ef einhvern vantar aðstoð við skráningu í mótið þá vinsamlega hafið samband við Hjört.

Ef að einhverjir foreldrar eða aðrir klúbbfélagar hafa tök á að vinna við mótið t.d. sem forkaddíar þá vinsamlega hafið samband við Hjört í síma 8217041 eða [e-mail]