Intersportmótið á Dalvík

Fyrsta golfmótið í Norðurlandsmótaröð barna og unglinga fór fram á Dalvík sunnudaginn 13.júní.  Um 90 þátttakendur tóku þátt í mótinu og voru 15 frá Golfklúbbi Sauðárkróks.  Undanfari þessa móts var  golfævintýri sem Golfklúbburinn Hamar á Dalvík stóð fyrir á föstudaginn og laugardaginn fyrir mótið. 10 kylfingar frá Golfklúbbi Sauðárkróks tóku þátt í golfævintýrinu. Í þessari mótaröð er keppt í aldursflokkum stráka og stelpna. 17 – 18 ára, 15 – 16 ára, 14 ára og yngri. Þessir flokkar spila allir 18 holur.  Síðan eru tveir flokkar til viðbótar 12 ára og yngri ásamt byrjendaflokki sem að spila 9 holur.  Öll úrslit er að finna á www.golf.is en kylfingar úr GSS stóðu sig vel og unnu til fjölmargra verðlauna.  Í 17 – 18 ára flokki varð Ingvi Þór Óskarsson í öðru sæti, í flokki 15 – 16 ára sigraði Arnar Geir Hjartarson og Sigríður Eygló Unnarsdóttir varð í öðru sæti í sama flokki. Í byrjendaflokki varð síðan Björn Ingi Ólafsson í 2. sæti.  Þá fengu þeir Þröstur Kárason, Hlynur Freyr Einarsson og Pálmi Þórsson verðlaun fyrir að vera næstir holu.  Mótið var mjög vel heppnað og lék veðrið við þátttakendur.  Næsta mót í þessari mótaröð verður síðan Nýprent mótið sem að haldið verður á Sauðárkróki 4.júlí n.k.

Myndir koma í vikunni inn á myndasíðuna.

Rástímar komnir fyrir Intersport mótið á Dalvík

Rástíamar fyrir Intersport mótið á Dalvík á morgun eru komnir inn á www.golf.is . Byrjað verður að ræsa út kl. 08.00 og eru elstu flokkarnir fyrst. Þeir sem að spila 9 holur ásamt byrjendaflokknum eru síðan eftir hádegið.  Væntanlega verður verðlaunaafhending í tvennu lagi.

Bestu kveðjur úr blíðunni á Golfævintýrinu á Dalvík

Hjörtur

 

Intersport mótið á Dalvík - skráning

Fyrsta mótið í Norðurlandsmótaröðinni okkar er á Dalvík n.k. sunnudag 13.júní.

Skráning fer fram á www.golf.is og verður henni að vera lokið á föstudagskvöldið 11.júní.

Þau sem að fara á golfævintýrið á Dalvík verða skráð sjálfkrafa þar en aðrir verða að skrá sig á netinu.  Ef að einhver lendir í vandræðum með aðgang og þess háttar þá vinsamlega hafið samband við Árnýju og hún aðstoðar við þau mál.

Nú er um að gera að fjölmenna á Dalvík og byrja golfsumarið á fullu !!!

Foreldrafundur þriðjudaginn 8.júní kl.18:00

Unglingaráð Golfklúbbs Sauðárkróks boðar til foreldrafundar þriðjudaginn 8.júní n.k. í golfskálanum á Hlíðarenda og hefst hann kl. 18.00.

Farið verður yfir starfið í golfskólanum í sumar og skipulag hans.Einnig verður farið yfir Golfævintýrið á Dalvík og er mjög mikilvægt að allir foreldrar þeirra sem að ætla á golfævintýrið mæti á fundinn.

Síðan er fyrsta mótið í Norðurlandsmótaröðinni sunnudaginn 13.júní og verður það haldið á Dalvík.

Allir sem að verða í golfskólanum í sumar verða síðan að vera með vasabók og blýant með sér í starfinu og viljum við benda foreldrum á að kaupa slíkt. Vasabókin þarf að komast í vasa og/eða golfpokann hjá iðkendum.

Við vonumst til að sjá sem allra flesta.

Svo viljum við einnig minna á að Örn Sölvi Halldórsson verður með golfskólann mánudaginn 7.júní frá kl.10:00 til 15:00.

Enginn golfskóli verður hins vegar á þriðjudaginn 8.júní.

Golfskólinn byrjar hins vegar formlega miðvikudaginn 9.júní kl.10:00.

 

Golfæfingar og golfkennsla

Örn Sölvi Halldórsson golfkennari verður með æfingar fyrir unglinga föstudaginn 4.júní og mánudaginn 7.júní.  Báðar æfingar byrja kl.10 og standa til kl.15.

Við viljum hvetja alla krakka sem að ætla sér að vera í golfskólanum að mæta á þessar æfingar

Einnig verður hann með almenna golfkennslu frá föstudegi til mánudags. Þeir sem að vilja panta golfkennslu hafi samband við Hjört í síma 8217041

 

Golfskólinn - skráning í fullum gangi

Skráning í golfskólann stendur nú yfir en hann byrjar miðvikudaginn 9.júní n.k. - Sjá meðfylgjandi skjal.

Gott væri því að fá staðfestingu sem allra fyrst.

Við tökum hins vegar forskot á sæluna um næstu helgi.

Örn Sölvi golfkennari ætlar að koma á föstudaginn 4. júní og vera með golfkennslu fyrir þau sem að verða í golfskólanum þetta sumarið.  Hefst kennslan kl.10 og verður fram eftir degi.

Sama verður upp mánudaginn 7.júní. Þá verður hann með golfkennslu frá kl. 10 og fram eftir degi.

Örn Sölvi verður einnig með einkakennslu þessa daga þ.e.4.-7. júní .

Endilega sendið inn skráningu sem allra fyrst.

Skráningar og frekari upplýsingar veitir Hjörtur Geirmundsson í síma 8217041 eða [e-mail]

 

Skrár tengdar þessari bloggfærslu:

• Golfskólinn 2010

Golfæfing fellur niður sunnudaginn 30.maí - fjáröflun

Golfæfingin á sunnudaginn fellur niður sunnudaginn 30.maí vegna fjáröflunar unglingaráðs GSS.

Við ætlum að vera með kleinusölu, krakkarnir ganga í haus og selja nýsteiktar kleinur eftir hádegið á sunnudaginn 30.maí.

Vinsamlega takið vel á móti sölufólki okkar.

 

Golfskólinn - golfkennsla

Golfskóli Golfklúbbs Sauðárkróks hefst miðvikudaginn 9.júní n.k. og verður starfræktur mánudaga til fimmtudaga í sumar.  Milli kl.10 og 12 verður golfskólinn fyrir 7 – 10 ára  ( árgangar 2000-2003 ).Eldri árgangar verða síðan á milli kl. 10 og 15.  Örn Sölvi Halldórsson mun verða við golfkennslu hjá golfklúbbnum í sumar og fyrsta heimsókn hans við kennslu verður 4.-7.júní n.k.  Boðið verður upp á nýliðanámskeið á þessum tíma og einnig upp á einkakennslu. Örn Sölvi og Árni Jónsson munu síðan hafa umsjón með unglingastarfi klúbbsins.Skráning í golfskólann og golfkennsluna er hjá Hirti Geirmundssyni – [e-mail] eða í síma 8217041. Hann veitir einnig frekari upplýsingar

Golfæfing sunnudaginn 23.maí

Golfæfing verður á æfingasvæðinu sunnudaginn 23.maí kl. 13.00

Svo er völlurinn í fínu ástandi og viljum við hvetja alla unglinga að skella sér á völlinn um helgina

Golfæfing í dag 16.maí

Minni á golfæfinguna í dag sunnudaginn 16.júní kl.13 á æfingasvæðinu.

---

Það var hörkuhópur sem að mætti á æfinguna áðan - frekar kalt - norðan fræsingur og 4° hiti !!!!

Slegið var grimmt og í lok æfingar var farið í vippkeppni.

Jónas Már rúllaði henni upp með 40 stig, Viðar varð í öðru sæti með 20 stig og síðan í 3.-4. sæti urðu Sighvatur Rúnar og Arnar Geir með 10 stig.