Golfæfing næsta sunnudag

Við viljum minna á að það verður golfæfing n.k. sunnudag 9.maí og hefst hún kl.13.

Endilega látið þetta berast og mætið sem flest

Vinnuskólinn á golfvellinum í sumar

Vinnuskólinn býður upp á það sem valmöguleika að vinna á golfvellinum í sumar.

Í rafrænni umsókn er hægt að haka við það.  Hins vegar virðist sem að það sé ekki hægt hjá unglingum sem að fæddir eru árið 1997.  Við viljum því benda þeim sem að ekki geta hakað við þetta á umsókninni en vilja samt nýta þennan möguleika að skrifa það í athugasemd á umsóknina.

Fyrsta útiæfingin á þessu ári

Fyrsta útiæfingin hjá unglingunum var í dag 2.maí á æfingasvæðinu á Hlíðarenda. Ágætis mæting var en þó er klárlega pláss fyrir miklu fleiri.  Ákveðið er að vera með æfingar í maí á sunnudögum kl.13 í maí á æfingasvæðinu okkar. Við viljum benda öllum á að láta þetta berast til allra áhugasamra.

Nokkrar myndir af flottum sveiflum er að finna á myndasíðunni okkar.

 

Útiæfingar

Sunnudaginn 2. maí n.k. verður unglingaráðið með 1. golfæfinguna utanhúss á æfingasvæðinu okkar. Við viljum hvetja alla til að mæta og dusta rykið af sveiflunni sinni og fara að kíkja aðeins á stutta spilið.

Æfingin byrjar kl.14.

Vinsamlega látið þetta berast til allra "ungra" og upprennandi kylfinga innan klúbbsins.

Ef að veður verða "válynd" þá látum við vita á síðunni um breytingar

 Stefnt er að æfingum flestar helgar í maí en það verður nánar auglýst síðar. Inniæfingar verða því ekki fleiri á þessu vori og viljum við koma sérstöku þakklæti til Sveitarfélagsins fyrir að lána okkar aðstöðuna á Freyjugötu fyrir inniæfingar.

Skagafjörður - lífsins gæði og gleði

Golfklúbbur Sauðárkróks var þátttakandi á sýningunni Skagafjörður - lífsins gæði og gleði sem að haldin var í íþróttahúsinu á Sauðárkróki nú um helgina, í byrjun Sæluviku Skagfirðinga.

Yfir 100 sýnendur voru í 80 básum og var mikill mannfjöldi sem að sótti sýninguna.

Golfklúbburinn kynnti starf sitt á Hlíðarendavelli og hvernig það verður á afmælisárinu en klúbburinn fagnar einmitt 40 ára afmæli á þessu ári.

Þá var létt getraun í gangi þar sem að hægt var að geta sér til um fjölda golfkúlna sem að var í glervasa á borði í sýningarbásnum.  Er skemmst frá því að segja að yfir 700 tóku þátt í þessum létta leik okkar og á eftir að fara yfir það hversu margir voru með rétt svar. Golfklúbburinn ætlar að bjóða þeim heppnu til kynningar á starfi klúbbsins og golfkennslu þegar að starfið hefst hjá okkur í júní mánuði. Nöfn vinningshafa verða birt hér á síðunni og einnig verður haft samband við viðkomandi.

En að sýningu lokið var farið í telja golfkúlurnar og voru þær samtals 60.

Golfklúbburinn þakkar öllum þeim sem að tóku þátt í þessum létta leik okkar og heimsóttu básinn á þessari sýningu.

 

 

Mikilvægt fyrir alla að teygja vel

Fyrir alla kylfinga er mjög mikilvægt að teygja vel áður en farið er að spila.

Hér fylgja nokkrar góðar teygjuæfingar sem eru sérstaklega ætlaðar fyrir golfara - sjá viðhengi tengt þessari færslu.

Skrár tengdar þessari bloggfærslu:

• Teygjuæfingar

Inniaðstaðan aftur í gagnið eftir hlé

Þá er inniaðstaðan aftur komin í gagnið eftir smá hlé.

Hér kemur opnunin yfir páskana.

 

Byrjum í dag miðvikudaginn 31.mars kl. 17-19

Fimmtudagur 1.apríl – Skírdagur kl.17-19

Laugardagur 3.apríl Kl.17-19

Mánudagur 5.apríl – Annar í páskum kl.17-19 

Eftir páska verður síðan opið eins og áður þ.e. á miðvikudögum og sunnudögum kl.17-19 að minnsta kosti – jafnvel eitthvað meira.

Inniaðstaðan opnuð

Inniaðstaðan okkar var opnuð miðvikudaginn 24.febrúar.

Ágætis mæting var og skemmtu sér allir hið besta.

Haldið var púttmót þar sem að hver þátttakandi púttaði 36 holur og einnig var þrautabraut sem að keppt var í.  Þá er einnig aðstaða fyrir fjóra að slá í net á staðnum.

Úrslit í púttmóti og þrautabraut eru birt hér til hliðar á síðunni og verða síðan uppfærð eftir hvert skipti.

Næst verður opið sunnudaginn 28.febrúar milli kl.17 og 19.

Hvetjum sem flesta að mæta.

 

Inniaðstaða

Golfklúbburinn hefur fengið inniaðstöðu til æfinga. Aðstaðan er á Freyjugötu 9, gömlu bílabúð KS.

Aðstaða er fyrir fjóra í einu til að slá í net og einnig er teppi til að pútta á.

Æfingar fyrir börn og unglinga hefjast miðvikudaginn 24.febrúar n.k.

Fyrst um sinn verða  æfingar á miðvikudögum og sunnudögum kl. 17.00 – 19.00.  Upplagt er að vera  í eina klst. í einu að æfa, það þarf því ekki að mæta nákvæmlega á réttum tíma eða vera allan tímann.

Kúlur eru á staðnum en iðkendur þurfa að hafa með sér kylfur ( 5 járn og 7 járn ) og pútter.

Eigum eftir að útfæra betur með stutt vipp, þannig að það er ekki mögulegt eins og staðan er.

 

Við viljum hvetja alla til að mæta og kíkja á aðstöðuna og slá nokkra bolta, pútta og hafa gaman af.

  

Hópurinn hittist !

Búið er að ákveða að halda smá "videokvöld" í golfskálanum laugardaginn 16. janúar n.k. kl.17.00

Ætlum að horfa saman á einhverja skemmtilega mynd.  Allir mæti með sitt snakk eða sælgæti sjálfir en gos verður á boðstólnum í boði klúbbsins.

Áætlað er að þessu verði lokið kl. 19.30 en það er þó allt opið og fer eftir stemmingunni

Vonumst til að sjá sem flesta

--

Unglingaráð GSS