Nýprent Open - sunnudaginn 3.júlí

Opna Nýprent mótið í golfi verður haldið sunnudaginn 3.júlí n.k.

Mótið er hluti af Norðurlandsmótaröð barna og unglinga.

Keppt verður í eftirfarandi flokkum:

17-18 ára strákar og stelpur - 18 holur

15-16 ára strákar og stelpur - 18 holur

14 ára og yngri ára strákar og stelpur - 18 holur

12 ára og yngri ára strákar og stelpur - 9 holur

Byrjendaflokkur- strákar og stelpur spila 9 holur af sérstaklega styttum teigum ( gullteigum )

Nándarverðlaun og vippverðlaun í öllum flokkum.

Nýprent meistarar verða krýndir. Lægsta skor í 18 holu flokkum.

Aukaverðlaun verða veitt strák og stelpu sem að verða með flesta punkta í 18 holu flokkum og eru með virka forgjöf.

Súpan verður að sjálfsögðu á sínum stað og síðan verða grillaðar pylsur handa öllum í mótslok.

Opnað hefur verið fyrir skráningu á www.golf.is.

Fyrsta mót í Norðurlandsmótaröðinni lokið.

Fyrsta mótið í Norðurlandsmótaröð barna og unglinga var haldið á Dalvík sunnudaginn 26.júní.  Golfklúbbur Sauðárkróks ( GSS ) var með 17 keppendur á mótinu sem er mjög glæsilegt og stóðu þau sig öll með mikilli prýði bæði utan vallar sem innan.  Hluti keppenda hafði tekið þátt í golfævintýri sem að haldið var dagana á undan hjá Dalvíkingum.

Nokkrir kylfingar GSS hlutu verðlaun á mótinu.  Ingvi Þór Óskarsson varð í öðru sæti í flokki 17-18 ára eftir að hafa tapað bráðabana um 1. sætið.  Þröstur Kárason tapaði síðan í bráðabana um 3.sætið í flokki 15-16 ára. Matthildur Kemp Guðnadóttir varð í 3.sæti í flokki 14 ára og yngri. William Þór Eðvarðsson sigraði síðan í flokki 12 ára og yngri. Þá varð Viktor Kárason í 2.sæti í byrjendaflokki.  Pálmi Þórsson fékk síðan nándarverðlaun.

Fyrsta mótið í Norðurlandsmótaröðinni.

Fyrsta mótið í Norðurlandsmótaröðinni verður haldið sunnudaginn 26.júní n.k. á Dalvík.

Keppt verður í öllum flokkum skv. mótafyrirkomulagi mótaraðarinnar sem að er að finna hér á síðunni.

Við viljum hvetja alla kylfinga 18 ára og yngri á að fjölmenna á þetta fyrsta mót mótaraðarinnar. Flokkaskiptingin á að vera fyrir alla.

17-18 ára spila 18 holur

15-16 ára spila 18 holur

14 ára og yngri spila 18 holur*

12 ára og yngri spilar 9 holur*

Svo verður byrjendaflokkur þar sem að spilað verður á sérstökum „gullteigum“ 9 holur.

* þeir sem eru 12 ára og yngri geta valið um þessa 2 flokka.

Skráning fer fram á www.golf.is

Ef að þið lendið í vandræðum með skráningu þá hafið vinsamlega samband við starfsfólk golfskólans, en skráningu þarf að vera lokið föstudagskvöldið 24.júní.

Annað mótið í mótaröðinni verður síðan hér á Sauðárkróki sunnudaginn 3.júlí – „Nýprent open“

Golfævintýri á Dalvík

Viljum minna á að skráning á golfævintýrið á Dalvík þarf að liggja fyrir í síðasta lagi n.k. þriðjudag 14.júní. Vinsamlega sendið skráningu á [e-mail] eða í síma 8217041.

Sjá meðf.viðhengi - auglýsing um golfævintýrið.

Skrár tengdar þessari bloggfærslu:

• Golfævintýri á Dalvík 2011

Golfæfing fellur niður... en golfskólinn byrjar !

Golfæfingin sunnudaginn 5.júní fellur niður. Það verða því ekki fleiri helgaræfingar að sinni þar sem að golfskólinn byrjar mánudaginn 6.júní kl.10:00.