Kylfingar á ferð og flugi....

Þó að lítið hafi verið um mótahald á Norðurlandi upp á síðkastið þá hafa unglingar GSS ekki setið auðum höndum.  Arnar Geir og Elvar Ingi tóku þátt í íslandsmótinu í holukeppni sem að er hluti af Arion banka mótaröð unglinga í Borgarnesi 26.júlí s.l. Arnar Geir varð í 7-9 sæti eftir höggleikinn og komst þar með í 1 6 manna úrslit fyrir holukeppnina. Þar keppti hann við sterkan kylfing úr GR og tapaði 3/2. Elvar Ingi komst hins vegar ekki í 16 manna úrslit.

Um verslunarmannahelgina fóru síðan Jónas Már, Pálmi, Elvar Ingi og Arnar Geir og kepptu í golfi á unglingalandsmótinu sem að fór fram á Egilsstöðum. Ekkjufellsvöll voru langflestir að spila í 1.skipti og kom hann skemmtilega á óvart og er mjög fjölbreyttur og öðruvísi en við eigum að venjast. 66 þátttakendur voru skráðir þar til leiks en 45 luku þar keppni.  Arnar Geir sigraði í 16-18 ára flokki, Jónas varð í 8.sæti í 14-15 ára flokki, Elvar Ingi varð í 4.sæti í flokki 11-13 ára og Pálmi varð í 13.sæti í sama flokki.

Keppendur af Norðurlandi voru í meirihluta á þessu móti og sýnir það enn og aftur gróskuna í golfinu hér Norðanlands.

Um næstu helgi verður síðan íslandsmót í höggleik haldið í Grafarholti í Reykjavík og þegar hafa nokkrir kylfingar skráð sig til leiks frá GSS.